我係2022年1月先搵 Miss Wong 幫手。本身學校冇揀 E4，但因為 E4 比較 advantageous，Miss Wong 建議我轉讀 E4. 喺短短三四個月內，Miss Wong 講解曬所有重點，仲俾咗好多進階練習我做，幫助我短時間內掌握新知識。而喺 compulsory 同 E1 方面，Miss Wong 教咗我好多答題框架同審題嘅方向，並且針對我嘅弱點比適合嘅 past paper 題目我做，令我溫故知新。好多謝 Miss Wong 好樂意幫我改 past paper，前後幾個月幫我改咗三十份卷，每次都會詳細解釋我嘅錯處，教識我點樣唔需要大包圍，淨係捉緊重點，幫助我建立答題意識，提升我讀 Bio 嘅信心同效率。Miss Wong 係一位好有經驗嘅老師，非常用心、高質素嘅教學，雖然係網上課堂，但我上完每一堂都覺得好充實，短時間內學到好多有用嘅技巧。多謝 Miss Wong 幫助我喺 DSE Biology 取得 5**！